فاینانشاڵ تایمز: زێلێنسکی دوا ساتەکانی لە دەسەڵات بەسەر دەبات

 

ئاڤا نیوز

ڕۆژنامەی فاینانشاڵ تایمز، لە زاری بەرپرسێکی باڵای ئۆکراینا ئاشكرای کرد سەرۆکی ئۆکراینا دوا ساتەکانی وەک سەرۆکی ئۆکراینا بەسەر دەبات.

زانیاری بەدەستهاتوو: ڕۆژنامەی فاینانشاڵ تایمزی ئەمریکی بە پشت بەستن بە بەپرسێکی باڵای ئۆکراینا ئاشکرای کرد، زێلێنسکی کۆتا ڕۆژەکانی لە دەسەڵات بەسەر دەبات و پارتە سیاسییەکانی  کیێڤ دەستیانکردووە بە گفتوگۆکردن لەسەر ئەوەی تا کەی زێلێنسکی لە دەسەڵاتدا دەمێنێتەوە هاوکات  کەسێکی دیکە هەڵبژێرن و پشتگیری بکەن.

لە لایەکی دیکەوە: ڕۆژنامەی 'ڕاستی ئۆکراینا' لەم دواییانەدا ئەنجامی ڕاپرسییەکی ئاشکرا کرد و ڕایگەیاند،  کەمتر لە 16%ـی هاووڵاتییان ئامادەن لە هەڵبژاردنی سەرۆکایەتیی ئۆکرانیا دەنگ بە زێلێنسکی بدەنەوە.

قووڵتر: خولی سەرۆکایەتیی زێلێنسکی لە مانگی ئایاری 2024 کۆتایی هات، بەڵام بەهۆی هەبوونی جەنگ لە ئۆکراینا خولی سەرۆکایەتییەکەی درێژکرایەوە و نەتوانرا هەڵبژاردن ئەنجام  بدرێت.

ئەمەش بزانە: لای خۆیەوە دۆناڵد ترەمپ، سەرۆکی ویلایەتە یەکگرتووەکانی ئەمەریکا پێشتر زێلێنسکی بە "دیکتاتۆرێکی هەڵنەبژێردراو" وەسف کردبوو و ڕایگەیاند ڕێژەی جەماوەرەکەی بۆ 4% دابەزیووە، هاوکات پێشتریش ڤلادیمێر پوتن دانیشتنی لەگەڵ زێلێنسکی ڕەتکردووەتەوە و بە سەرۆکێکی نا شەرعی ناساندووە.