کامێراکانی هاتووچۆ ڕووداوەکانی بەڕێژەی 50% کەمکردووەتەوە

ئاڤا نیوز

دوای دانانی کامێراکانی پۆینت بۆ پۆینت لەسەر بەشێکی شەقامەکان، ڕووداوەکانی هاتووچۆ بە لایەنی کەمەوە 50% کەمبوونەتەوە.

وێنە گەورەکە: لە ماوەی ساڵێکدا کامێراکانی تیژڕۆیی بەشدارییەکی کارایان لە کەمکردنەوەی ڕووداوەکانی هاتووچۆ هەبووە، بەمەش هاووڵاتیانی لە زەرەرە گیانی و ئابوورییەکانی پارێزراو بوون.

ڕاگەیێنراوی فەرمی: وەزارەتی ناوخۆ ڕایگەیاند:

- کامێراکانی تۆمارکردنی تیژڕۆیی بە هەرسێ جۆری جێگیر، گەڕۆک، پۆینت بۆ پۆینت لە ماوەی ساڵی 2024 دا بەشدارییەکی گەورەی لە پاراستنی گیانی خەڵک کردووە لەڕێی کەمکردنەوەی لایەنی کەمی 50%ی ڕووداوە سەختەکانی هاتووچۆ کە بۆتە هۆی کەمبوونەوەی زیاتر لە 50%ی مردن و برینداریی سەخت.

- بەو هۆیەشەوە لە پاڵ پاراستنی گیان، سەر و سامانی خەڵکیش کە ئۆتۆمبێلەکانیانە پارێزراوە و ئابووریی خەڵک زیانی بەر نەکەوتووە.

- ئێستا بەشی هەرە زۆری هاووڵاتیان بە خۆشحاڵییەوە سەیری کامێراکان دەکەن و بەرهەمەکانی دەبینن.

-دۆخێکی دروستکردووە شوفێریکردن لەزەت و سەلیقەی بۆ گەڕاوەتەوە، سەرکێشی و پێشبڕکێ، لێخوڕینی نابەرپرسیاری تا ئەندازەیەکی گەورە کەم کردووەتەوە.