ئێران فڕۆکەی بێفڕۆکەوان بۆ دەستگیرکردنی ئەو ژنانە بەکاردەهێنێت کە باڵاپۆش نین

ئاڤا نیوز

 

بەگوێرەی ڕاپۆرتێکی نەتەوەیەکگرتووەکان، ئێران فڕۆکەی بێفڕۆکەوان بۆ دەستگیرکردنی ئەو ژنانە بەکاردەهێنێت کە باڵاپۆش نین.

 

وێنە گەورەکە: پۆشینی حیجابی زۆرەملێ لە ئێران هەمیشە بووەتە کێشەی نێوان هێزە ئەمنییەکان و ژنانی ئێران بە تایبەت شارە گەورەکانی وەک تاران. لە هەنگاوێکی نوێشدا ئێران بڕیاڕی بەکارهێنانی فڕۆکەی بیفرۆکەوانی دا بۆ ناسینەوە ژنانی بێ حیجاب و دەستگیرکردنیان.

 

ڕاگەیێنراوەی فەرمی: بەپێی ڕاپۆرتێکی نەتەوەیەکگرتووەکان کە ڕۆژی هەینی بڵاوکراوەتەوە، ئێران فڕۆکەی بێفڕۆکەوان و سیستمی ناسینەوەی دەموچاو و ئەپلیکەیشنی ڕاپۆرتی هاووڵاتییان بەکاردەهێنێت بۆ سەپاندنی یاساکانی حیجاب بەسەر ژناندا، ڕاپۆرتەکە تیشک دەخاتە سەر پشتبەستنی ئێران بە تەکنەلۆژیا بۆ چاودێریکردن و سزادانی ئەو ژنانەی سەرپێچی یاسای جلوبەرگی زۆرەملێ دەکەن، ئەپڵیکەیشنی مۆبایل "Nazer" کە حکومەت پاڵپشتی دەکات و ڕێگە بە هاووڵاتییان و پۆلیس دەدات "پێشێلکاری" ژنان بۆ یاسای باڵاپۆشی تۆمار بکەن.

 

زانیاریی زیاتر: ڕاپۆرتی ئەمساڵی نەتەوەیەکگرتووەکان جەختی لەوە کردووەتەوە سەرەڕای تێپەڕبوونی زیاتر لە دووساڵ بەسەر دەستپێکردنی خۆپیشاندانەکان لە مانگی ئەیلولی 2022، هێشتا ژنان و کچان لە ئێران ڕووبەڕووی جیاکاری دەبنەوە، ئەم جیاکارییە کاریگەریی لەسەر هەموو لایەنەکانی ژیانیان کردووە، بەتایبەتی لە پەیوەست بە جێبەجێکردنی یاسای حیجابی زۆرەملێ.