ئیسرائیل دانوستاندنی ناڕاستەوخۆ لەگەڵ حەماس دەستپێدەکات

ئاڤا نیوز

 

دوای دروستبوونی مشتومڕ سەبارەت بە قۆناغی دووەمی ئاگربەست لە غەززە، ئیسرائیل ڕایدەگەینێت، ئامادەیە بۆ ئەنجامدانی دانوستاندنی ناڕاستەوخۆ لەگەڵ بزووتنەوەی حەماس.

 

ڕاگەیێنراوی فەرمی: نووسینگەی بنیامین نەتانیاهۆ، سەرۆکوەزیرانی ئیسرائیل ڕایگەیاند، تیمی دانوستاندنکاری ڕاسپاردووە بەردەوامبن لە دانوستاندنە ناڕاستەوخۆکان لەگەڵ بزووتنەوەی حەماس سەبارەت بە پاراستنی ئاگربەست و ڕێککەوتن  لەگەڵ حەماس.

 

زانیاریی زیاتر: نووسینگەی بنیامین نەتانیاهۆ داوا لە تیمی دانوستاندنکاری ئیسرائیل دەکات تەواوی هەوڵەکانیان بخەنەگەڕ بۆ ئازادکردنی هەموو بارمتەکان.

 

کاریگەری و لێکەوتەکان: دۆناڵد ترەمپ، سەرۆکی ئەمریکا، چەندین جار هۆشداری بە حەماس داوە ئەگەر  پابەندی مەرجەکانی ئەو نەبن، ئەوا باجێکی قورس دەدەن و لێکەوتەی خراپ بەدوای خۆیدا دەهێنێت.