سەرۆکوەزیران مەسرور بارزانی لەگەڵ وەزیری وزەی تورکیا باسی هەناردەکردنەوەی نەوت دەکەن

 

ئاڤا نیوز

سەرۆکوەزیران مەسرور بارزانی، پێشوازی کردووە لە وەزیری وزەی تورکیا و باسی هەناردەکردنەوەی نەوتی هەرێمی کوردستانیان کردووە لە زووترین کاتدا.

وێنە گەورەکە: دوای هەمواری ماددەی 12 لە یاسای بودجە، هێشتا ئاستەنگەکانی بەردەم هەناردەکردنەوەی نەوتی کوردستان ماون و چاوەڕێ دەکرێت بەم نزیکانە گرفتەکان کۆتاییان بێت.

ڕاگەیێنراوی فەرمی: مەسرور بارزانی، سەرۆکوەزیرانی هەرێمی کوردستان ڕایگەیاندووە، لەگەڵ ئەلپ ئەرسلان بەیرەکدار، وەزیری وزەو سەرچاوە سروشتییەکانی تورکیا هاوڕا بووین لەسەر نەهێشتنی هەموو ئاستەنگ و بەربەستەکانی بەردەم هەناردەکردنەوەی نەوتی هەرێمی کوردستان لە ڕێگەی بەندەری جەیهان لە زووترین کاتدا.

ئەوەی پێویستە بیزانیت: وەزیری وزەی تورکیا بەرلەوەی سەردانی هەولێر بکات لە بەغدا بوو، یەکێک لەو پرسانەی بە چارەسەرنەکراوی ماوەتەوە ئاستەنگەکانی هەناردەکردنەوەی نەوتی هەرێمی کوردستانە.