لە عێراق 17 هاووڵاتیی بیانی دیپۆرتی وڵاتەکانیان دەکرێنەوە

ئاڤا نیوز

وەزارەتی ناوخۆی عێراق، ژمارەیەک هاووڵاتیی بیانی دیپۆرتی وەڵاتەکانیان کردەوە كە سەرپێچی یاسای نیشتەجێبونی عێراقیان کردووە.

وێنە گەورەکە: هاووڵاتییانی بیانی بە ڕێگەی جیاواز و بە نایاسایی دێنە عێراق و کاردەکەن، زۆجاریش لە مەرزەکان دەستگیر دەکرێن. لە ماوەی ڕابردوو ژمارەیەک هاووڵاتیی لە سنووری پارێزگای سلێمانی دەستگیرکران کە بە نایاسایی سنوورەکانیان بڕیبوو.

ڕاگەیێنراوی فەرمی: بەڕێوەبەرایەتیی باری شارستانی و پاسپۆرت و ئیقامەی عێراق ڕایگەیاند، "بەڕێوەبەرایەتییەكەمان لە ڕێگەی فڕۆکەخانەی نێودەوڵەتیی بەغداوە 17 كەسی بیانی كە سەرپێچی یاسای نیشتەجێبونی عێراقیان كردوە، دیپۆرتکردووەتەوە".

زانیاریی زیاتر: دیپۆرتكردنەوەكە دوای هەوڵی بەرفراوان و بەدواداچوون و لێپێچینەوە ئەنجامدراوە، هاوکات داوا لە هاوڵاتییان دەکرێت زانیاری لەسەر هەر سەرپێچییەک لە مەرجەکانی نیشتەجێبون بدەن و لە بەرژەوەندی ئاسایشی وڵاتدا پەنایان نەدەن.