لە هەولێر ڕۆژانە زیاتر لە 650 تۆن خواردن فڕێ دەدرێت

ئاڤا نیوز

ڕۆژانە لە هەولێر زیاتر لە 650 تۆن خواردن لەگەڵ زبڵ و پاشماوەی ماڵان فڕێ دەدرێت.

وێنە گەورەکە: بەڕێوەبەرایەتیی خزمەتگوزاری ژینگەپارێزی هەولێر، هەر سێ مانگ جارێک داتا لەبارەی زبڵی هەولێر کۆدەکاتەوە. لەم سێ مانگەی ڕابردوودا داتایان کۆکردوەتەوە، دەرکەوتووە بەشێکی بەرچاوی ئەو زبڵەی کۆدەکرێتەوە پاشماوەی خواردنە.

لێدوانی فەرمی: ژیار جەلال، بەڕێوەبەری خزمەتگوزاری ژینگە پارێزی هەولێر دەڵێت:

- لە هەر شەش شارەوانییەکەی هەولێر بە تێکڕا ڕۆژانە 2085 تۆن زبڵ کۆدەکرێتەوە.

- لەو داتایانەی کۆیدەکەینەوە و تێبینیمان کردووە 31.5%ـی زبڵی هەولێر پاشماوەی خواردنە، واتە ئەو خواردنەی لە ماڵان دەمێنێتەوە و دواتر دەخرێتە ناو زبڵدانەکە. ئەم ڕێژەیە دەکاتە زیاتر لە 650 تۆنی ڕۆژانە.

- شاری هەولێر دابەشی سەر شەش شارەوانی دەبێت، هەموو هەفتەیەک لەڕێگەی 600 ئۆتۆمبێلی زبڵ کۆکەرەوە، زبڵ و خاشاکی ماڵان کۆدەکرێتەوە دواتر دەبرێن بۆ زبڵخانەی کانی قرژاڵە و لەوێ لە پرۆسەیەکدا ژێرخاک دەنرێن.

- لە هەولێر ڕۆژانی شەممە پاشماوەی زبڵ و خاشاک لە هەموو ڕۆژەکان زیاترە، لەو ڕۆژەدا 2626 تۆن زبڵ و پاشماوە کۆدەکرێتەوە.