فوئاد حوسێن: عێراق لەم قۆناغەدا لە هاوپەیمانی نێوەدەوڵەتی ناکشێتەوە

ئاڤا نیوز

 

وەزیری دەرەوەی عێراق باس لەوە دەکات، بەغدا باوەڕی بە شەڕ نییە و لەم  قۆناغەدا وڵاتەکە لە هاوپەیمانی نێودەوڵەتی ناکشێتەوە. 

 

لێدوانی فەرمی: فوئاد حوسێن، وەزیری دەرەوەی عێراق لەچاوپێکەوتنێکی تەلەفزیۆنیدا ڕایگەیاند: لە بەرژەوەندی عێراق و کۆمەڵگاکەی نییە کە هەمان سیناریۆی ئیران لە حوکمڕانی دووبارە بکاتەوە و ئامانجی سەرەکی دیپلۆماسی عێراقیش دوورخستنەوەی وڵاتە لە هەڕەشەی شەڕ.

 
- من ئاگادارنیم ئێران داوای لە عێراق کردبێت گرووپە چەکدارەکان هەڵنەوەشێنێتەوە، دەبێتە لایەنی عێراقی بڕیار دەربێت لەم بابەتە. 

-  لە کاتی شەڕی غەززە، هەڕەشەی بەردەوام هەبوو بۆسەر عێراق بەڵام ئەمریکا ڕۆڵی هەبوو لە ڕێگریکردن لە تەشەنەسەندنی ململانێکان بۆ ناوخۆی عێراق. 

- ئێستا دۆخی ناوچەکە گۆڕانکاری بەسەرداهاتووە و دەبێت پێداچوونەوە بە بڕیاری کشانەوەی هێزی هاوپەیمانان بکرێت لە عێراق.