هێرشی ئیسرائیل بۆسەر کەرتی غەززە کاردانەوەی وڵاتانی بەدوای خۆیدا هێنا

ئاڤا نیوز

 

دوای زیاتر لە 50 ڕۆژ ئیسرائیل هێرشەکانی بۆسەر کەرتی ‌‌غەززە دەستیپێکردەوە و  دوای بەدوای ئەوە کاردانەوەی وڵاتانی بەدوای خۆیدا هێنا. 

 

کاریگەریی و لێکەوتەکان: دوای 57 ڕۆژ لە ڕاگرتنی شەڕ شەوی 18ـی ئەم مانگە، ئیسرائیل دەستی بە هێرشەکانی بۆسەر کەرتی غەززە کردەوە، هێرشەکان بە جۆرێکن کە لە چەند کاتژمێرێکی کەمدا سەدان هاووڵاتی کوژراون و برینداربوون ئەمەش کاردانەوەی ناوخۆیی و جیهانی بەدوای خۆیدا هێنا: 

 

-بزووتنەوەی حەماس، ئیدانەی ئەم هێرشەی ئیسرائیل کرد و بە هەڵوەشاندنەوەی ئاگربەست تاوانبار دەکات.

-کۆشكی سپی ئەمریکا: ئیسرائیل لەگەڵ ئیدارەی دۆناڵد ترەمپ سەرۆکی ئەمریکا ڕاوێژی کردووە.

- حووسییەکانی یەمەن سەرکۆنەی ئەم هێرشە دەکەن و دەڵێن خەڵکی فەڵەستین بەتەنیا لەم ململانێیەدا بەجێناهێڵین.

-چین داوا دەکات ڕێگەیی گونجاو بگرێتەبەر بۆ ڕێگریکردن لەم کارەساتە مرۆییە.

-یونیسێف داوا دەکات بە زووترین کات ئەم هێرشانە ڕابگیرێن و هەموو لایەنەکان پابەندی ڕێسا و یاسا نێودەوڵەتییەکان بێت.

-هۆڵەندا داوا دەکات ڕێزی ئاگربەست بگیرێت ئەم کوشتنکارییە بوەستێنرێت.

-تورکیا دەڵێت، دەستپێکردنەوەی هێرشەکانی ئیسرائیل جێگەی قبووڵ نییە، پێویستە دەستبەجێ ئاگربەست ڕابگەیێنرێت.  

-نەتەوە یەکگرتووەکان بەتووندی بانگەوازی ئەوە دەکات کە ڕێز لە ئاگربەستەکە بگیرێت.

-میسر کە یەکێکە لە نێوەندگیرانی ئاگربەستی غەززە دەڵێت، ئەم هێرشە لێکەوتەی نەرێنی و ناسەقامگیری بەدوای خۆیدا دەهێنێت.

-ئوردن سەرکۆنەی ئەم هێرشە دەکات و داوا دەکات ئیسرائیل پابەندی ڕێککەوتنی ئاگربەست بێت.

-سعودییە ئیدانەی هێرشی ئیسرائیل بۆ سەر کەرتی غەززە ئیدانە دەکات.

ژمارەکان وادەڵێن: ئەمە کوشندەترین هێرشی ئیسرائیل بوو بۆسەر کەرتی غەززە لەدوای ئاگربەستی غەززە، کە تاوەکو ئێستا زیاتر لە 400 کەس کوژراون و زیاتر لە 400 دیکەش برینداربوون.