ئەندامێکی شاندی پارتی: لەگەڵ یەکێتی گەیشتینە دوایین ڕەشنووس بۆ پێکهێنانی حکومەت

ئاڤا نیوز

 

کۆبوونەوەی شاندی دانووستاندنکاری پارتی و یەکێتی کۆتایی هات، ئەندامێکی شاندی دانووستانکاری پارتیش کۆبوونەوەکە بە " ئەرێنی" ناو دەبات.

 

وێنە گەورەكە: پارتی و یەكێتی وەك یەكەم و دووەمی  دوایین هەڵبژاردنی پەرلەمانی كوردستان لە كۆبوونەوەكانیان بۆ پێكهێنانی كابینەی دەی حكومەتی هەرێمی كوردستان بە سەرۆكایەتیی سەرۆكوەزیران مەسرور بارزانی بەردەوامە و جگە لە شاندی دانوستاندنكاری هەردوولا، دوو كۆبوونەوەی لوتكەش لەنێوان سەرۆكوەزیران مەسرور بارزانی و بافڵ تاڵەبانیش كراوە و بەپێی گوتەی بەرپرسانی هەردوولا؛ پێكهێنانی كابینەكە نزیكە.

 

لێدوانی فەرمی: د. پشتیوان سادق، ئەندامی مەکتەبی سیاسیی و ئەندامی شاندی دانووستاندنکاری پارتی دیموکراتی کوردستان لەبارەی کۆبوونەوەکەی نێوانیان لەگەڵ یەکێتی ڕایگەیاند: "کۆبوونەوەیەکی ئەرێنیمان ئەنجامدا".

 

زانیاریی زیاتر:  د. پشتیوان سادق گوتیشی، "لە کۆبوونەوەکەدا گەیشتنە دواڕەشنوسی دیدگای هاوبەش بۆ قۆناغی داهاتوو کە دەبێتە ئامرازێک بۆ پێکهێنانی حکومەت و دامەزراوەکانی دیکە و باشتر خزمەتکردنی هاووڵاتییان".