کوردانی ئێزدی داوای پۆستێکی وەزاری دەکەن

 

ئاڤا نیوز

کوردانی ئێزدی بۆ کابینەی نوێی حکومەتی هەرێمی کوردستان، داوا دەکەن پۆستێکی وەزارییان پێ بدرێت.

وێنە گەورەکە: پێکهێنانی کابینەی نوێ گەیشتووەتە قۆناغی کۆتایی و تەنیا بڕیاردان لەسەر پۆستەکان ماوە،  پێشبینی دەکرێت دوای جەژنی ڕەمەزان پۆستەکانیش یەکلابکرێنەوە و حکومەتی نوێ بەسەرۆکایەتیی مەسرور بارزانی ڕابگەیێنرێت.

لێدوانی فەرمی: جەهوەر عەلی بەگ، جێگری میری ئێزدیان، بە ئاڤا میدیای ڕاگەیاند: داوایەکم ئاراستەی سەرۆک بارزانی کردووە، بۆ ئەوەی وەزیرێک لە کابینەی نوێ بە ئێزدییەکان بدرێت، بۆ ئەم بابەتەش، ئومێدمان هەیە داواکەمان جێبەجێ ببێت.

زانیاری تایبەت: جێگری میری ئێزدیان، وتیشی: وەزارەتێکی دیاریکراو نییە کە داوامان کردبێت، بەڵام بە مافی خۆمانی دەزانین وەک کوردانی ئێزدی پۆستێکی وەزاریمان هەبێت.