سبەی لە هەولێر هیچ ئاهەنگێکی تایبەت بە نەورۆز ساز ناکرێت

 

 ئاڤا نیوز

سبەی پێنجشەممە ئاگری نەورۆز لەسەرتاسەری کوردستان دەکرێتەوە، قایمقامی هەولێر لەو بارەیەوە دەڵێت 'ئاهەنگی تایبەت بەو یادەمان نابێت'.

وێنە گەورەکە: بۆ پێشوازیکردن لە هاتنی ساڵی نوێی کوردی، ساڵانە لە سەرجەم ناوچەکانی کوردستان ئامادەکاری دەکرێت و  ئاگری نەورۆز  بۆ بەرزڕاگرتنی ئەم یادە هەڵدەکرێت.

لێدوانی فەرمی: نەبەز عەبدولحەمید، قایمقامی قەزای ناوەندی هەولێر بە ئاڤا میدیای ڕاگەیاند: ئامادەکارییەکان بۆ هەڵکرنی ئاگری نەورۆز لەسەر قەڵای هەولێر دەستیپێکردووە، سبەی ئاگر لەسەر قەڵا دەکرێتەوە. گوتیشی، سبەی هیچ ئاهەنگێکی تایبەت بە نەورۆزمان نابێت.

زانیاری زیاتر: مانگی ڕەمەزان، ئەمساڵ کاریگەری لەسەر هاتنی گەشتیار بۆ بەشداریکردن لە جەژنی نەورۆز دەبێت.

ئەوەی پێویستە بیزانیت: پلانی ئەمنی باش بۆ سبەی پێنجشەممە دانراوە و هێزە ئەمنییەکان لە حاڵەتی ئامادەباشی دەبن، بۆ ئەوەی هیچ ڕووداوێکی نەخوازرار ڕوونەدات.