فایلی خەڵک؛ بۆنێکی ناخۆش چەند گەڕەکێکی هەولێر هەراسان دەکات

ئاڤا نیوز

بۆنێکی ناخۆش چەند گەڕەکێکی هەولێر هەراسان دەکات. بەڕێوەبەری فەرمانگەی ژینگەی هەولێر دەڵی، بۆنەکە بەهۆی سوتاندنی زبڵ و خاشاکی ناوچەکەیە و "چارەسەری دەکەین".

چیرۆکی سەرەکی: دانیشتوانی گەڕەکەکانی ڕۆشنبیری، فەرمانبەران و چەند گەڕەکێکی ناحیەی دارەتوو دەڵێن، شەوان بۆنێکی ناخۆش و پیس بێزاری کردووین داوا دەکەین چارەسەر بکرێت.

لێدوانی فەرمی: دڵشاد هیرانی، بەڕێوەبەری فەرمانگەی ژینگەی هەولێر دەڵێ:

- هۆکاری بۆنەکە ناوچەی پیشەسازی ناحیەی دارەتووە کە بەهۆی سووتاندنی پاشماوەی زبڵی ئۆتۆمبێل ئەو بۆنە ناخۆشە دروست بووە.

- لیژنەیەکمان پێکهێناوە بەزووترین کات چارەسەری ئەو بۆنە ناخۆشە دەکەین.