گەورەترین ئا‌ڵوگۆڕی دیلەکان لە نێوان ڕووسیا و ئۆکراینا دەکرێت

ئاڤا نیوز

دوای پەیوەندی تەلەفۆنی نێوان دۆناڵد ترەمپ و ڤلادیمێر پووتن، یەکێک لە گەورەترین ئاڵوگۆڕی دیلەکان لە نێوان ڕووسیا و ئۆکراینا کرا.

چیرۆکی سەرەکی: بە نێوەندگیری ئیمارات هەریەک لە ڕووسیا و ئۆکراینا یەکێک لە گەورەترین ئاڵوگۆڕی دیلەکانیان لە ماوەی جەنگی سێ ساڵەی نێوانیان ڕاگەیاند و 372 دیل لە نێوان هەردوولا ئاڵوگۆڕیان پێکرا، ڤۆلۆدیمێر زێلێنسکیش لە پەیامێکدا بەڵێنی گەڕاندنەوەی هەموو دیلەکان بۆ نیشتیمان، بە گەلی ئۆکراینا دەدات.

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا ڕایگەیاند: "بەشی زۆری ئەو سەربازانەی ئازاد کران بریندارانی تووندی جەنگ بوون، بەڵێن دەدەم هەموو سەربازانی وڵات لە هێزی ئاسمانی و زەمینی و دەریایی و ئەو جەنگاوەرانەی لە پێناو نیشتیمان جەنگان بۆ نێو خانەوادەکانیان بگەڕێنینەوە."

لە لایەکی دیکەوە: وەزارەتی بەرگری ڕووسیا ئێوارەی ڕۆژی چوارشەممە  لە ڕاگەیەنراوێکدا ئازادکردنی 22 برینداری قورسی لە دەرەوەی ڕێککەوتنی ئاڵوگۆڕی دیلەکان ڕاگەیاند و ئەم هەنگاوەی وەک پیشاندانی " نیازپاکی " بۆ ئاشتی ناوزەند کرد.

بۆچی گرنگە: ئاڵوگۆڕی دیلەکان لە نێوان ڕووسیا و ئۆکراینا، هەنگاوێكی گرنگ قۆناغی دانوستانەکانی ئاشتی و ئاگربەست دەباتە پێشەوە. هەروەها کاریگەرییەکی گەورەی لەسەر ئاساییکردنەوەی پەیوەندیی سێلایەنەی نێوان ڕووسیا و ئۆکراینا و ئەمریکا دەبێت.