مەزڵووم عەبدی: ئەم نەورۆزە ببێتە سیمبولی یەکبوونی هێزە کوردییەکان لە ڕۆژئاوای کوردستان

ئاڤا نیوز

فەرماندەی گشتی هێزەکانی سووریای دیموکرات بەبۆنەی جەژنی نەورۆز پیرۆزبایی لە کوردانی سووریا و کوردانی جیهان دەکات و هیوا دەخوازێت ئەم نەورۆزە ببێتە مایەی یەکبوونی هێزە کوردییەکانی ڕۆژئاوای کوردستان.

وێنە گەورەکە: دوای ڕووخانی دەسەڵاتی ئەسەد، هێزەکانی ڕۆژئاوای کوردستان چەندین دانیشتنیان کردووە بۆ یەکخستنی هەڵوێستیان بەرامبەر دیمەشق، ئەم دانیشتنانە بە دەستپێشخەری سەرۆک بارزانی کراون.

ڕاگەیێنراوی فەرمی: مەزڵووم عەبدی، فەرماندەی گشتی هێزەکانی سووریای دیموکرات لە هەژماری خۆی لە تۆڕی ئێکس پەیامێکی بڵاوکردەوە ئەمە دەقی پەیامەکەیەتی:

- نەورۆزی 2025 لە گەلی کورد لە ڕۆژئاوا، سووریا و جیهان پیرۆز دەکەین، دیسان لە دڵەوە پێرۆزبایی خۆم بە شەڕڤانانی هەسەدە و ئاسایش، ئەندامانی خۆسەر و بنەماڵەی شەهیدان دەکەم.

- ئەم نەورۆزە ببێتە سیمبولی یەکبوونی هێزە کوردییەکان لە ڕۆژئاوای کوردستان و ببێتە ئارامی.

ئەوەی پێویستە بیزانیت: ڕۆژی 16-1-2025 سەرۆک بارزانی پێشوازی لە مەزڵووم عەبدی کرد، ئەم دانیشتنە بوو بە هاندانی نزیکبوونەوەی ئەنەکەسە و پەیەدە بۆ دروستکردنی یەک گوتاری و شاندی هاوبەش بۆ دیمەشق.