ئەردۆغان: ئامادەین بۆ لووتکەی ئاشتیی ڕووسیا و ئۆکراینا

ئاڤا نیوز

 

ڤۆلۆدمیر زێلێنسکی سەرۆکی ئۆکراینا بە سەردانێکی فەرمی گەیشتە تورکیا و لەلایەن ڕەجەب تەیب ئەردۆغان، سەرۆکی ئەو وڵاتە پێشوازی لێکرا. 

 

چیرۆکی سەرەکی: ڕەجەب تەیب ئەردۆغان، لە نووسینگەکەی لە دۆڵمە باخچەلی پێشوازی لە زێلێنسکی کرد و ئامادەیی وڵاتەکەی بۆ میوانداریکردنی لووتکەی ئاشتیی نێوان ڕووسیا و ئۆکراینا پێشان دا.

 

بۆچی گرنگە: ئەو سەردانەی زێلێنسکی لەکاتێکدایە، تورکیا لەگەڵ ڕووسیا پەیوەندییەکی پتەوی هەیە و زێلێنسکیش لە هەوڵی ڕاکێشانی وڵاتانە بۆ بەرەی خۆی لە دژی ڕووسیا.

 

لێدوانی فەرمی: ڕەجەب تەیب ئەردۆغان: لەپێناو دووبارە بوونیادنانەوەی خاکی ئۆکراینا و کۆتاییهێنان بەم ملـملانێیە هەموو هەوڵێکی خۆمان دەدەین .

 

زانیاری زیاتر: بابەتی ڕێککەوتنی دەریای ڕەش بۆ رێگریکردن لە قەیرانی خۆراکی جیهانی جارێکی دیکە لەسەر مێزی کوبوونەوە قسەی لەسەر کرا.

لەلایەکی دیکەوە: زێلێنسکی سوپاسی هەوڵەکانی ئەردۆغانی بۆ پاراستنی ئاشتیی مرۆڤایەتی و پاڵپشتییەکانی بۆ ئۆکراینا کرد.