مزگەوتی کوفە بە یەکێک لە کۆنترین مزگەوتەکانی جیهانی ئیسلامی دادەنرێت

ئاڤا نیوز

 

مزگەوتی کوفە بە یەکێک لە کۆنترین مزگەوتەکانی جیهانی ئیسلامی و بە چوارم مزگەوت لە ڕووی پیرۆزییەوە دادەنرێت.

 

بۆچی گرنگە: مزگەوتی کوفە خاوەن پێگەیەکی ئایینی گرنگە لای موسڵمانانی شیعە مەزهەب، چونکە ئیمامی عەلی لە ساڵی 36ـی کۆچیدا مەککەی بەجێهێشتووە و لە کوفە بەیعەتی پێدراوە و کردوویەتییە پایتەختی خەلافەتی ئیسلامی لەپاڵ ئەم مزگەوتەش لە کوفە ژیاوە و لە میحرابیا شەهیدکراوە.

 

لێدوانی فەرمی: شێخ ویسام ناسری، کەسایەتی ئایینی شاری نەجەف بەئاڤا میدیای ڕاگەیاند: ئەم مزگەوت و شوێنە پیرۆزی زیاتری وەرگرت کاتێک کە ئیمامی عەلی تەشریفی برد بۆ کوفە و کردیە پایتەخت شوێنی حوکمڕانییەکەی .

 

ئەمەش بزانە: بەپێی سەرچاوە مێژوییەکان ئەم مزگەوتە لە ساڵی 639 زاینی لەلایەن سەعد بن ئەبی وەقاسەوە دروستکراوە لەڕووی پیرۆزییەوە دوای مزگەوتەکانی مەدینە و حەرام و ئەقسا دێت، قەزای کوفەش سەر بە پارێزگای نەجەفە و 10 کیلومەتر لە باکووری ڕۆژهەڵاتی شاری نەجەفەوە دوورە،  ژمارەی دانیشتووانەکەشی بە نزیکەی 300 هەزار کەس مەزەندە دەکرێت.