ماکرۆن: ڕووسیا نیازی ئاشتیی نییە

 

ئاڤا نیوز

ئیمانوێل ماکرۆن، سەرۆکی فەرەنسا، پشتیوانیی خۆی بۆ ئۆکراینا دووپات کردووەتەوە و پێیوایە ڕووسیا ئەوەی نیشان نەداوە کە بە جدی نیازی ئاشتی هەبێت.

چیرۆکی سەرەکی: هەوڵەکانی ئەمریکا و دۆناڵد ترەمپ بەردەوامە بۆ ڕاگەیاندنی ئاگربەست و کۆتایی هێنان بە شەڕی سێ ساڵەی نێوان ڕووسیا و ئۆکراینا، تائێستا ئۆکراینا ئامادەیی دەربڕیوە، بەڵام ڕووسیا نیازی ڕوون  نیە بۆ ئاگربەست.

زانیاریی زیاتر: ئەم لێدوانەی ماکرۆن دوای ئەوە هات کە ڕووسیا هێرشێکی درۆنیی نوێی کردە سەر ئۆکراینا، ئەمەش لە کاتێکدایە کە هەوڵەکانی ئەمریکا بۆ ئاگربەست بەردەوامن.

لە لایەکی دیکەوە: ڤلادیمیر پووتین، سەرۆکی ڕووسیا، لە پەیوەندییە تەلەفۆنییەکەیدا لەگەڵ دۆناڵد ترەمپ، سەرۆکی ئەمریکا ڕایگەیاندبوو کە پابەندی ئاگربەستێکی سنووردار دەبێت و بۆ ماوەی 30 ڕۆژ هێرش ناکاتە سەر کەرتی وزە و ژێرخانی ئەو وڵاتە.