ئۆکراینا: هیوادارین لە دانوستانەکانی سعوودیە ئاگربەستی سنووردار بێتە ئاراوە

 

ئاڤا نیوز

ئۆکراینا ڕازییە لە دانوستانەکانی سعوودیە ئاگربەستی سنووردار بێتە ئاراوە و دەیانەوێت لەسەر ئەوە ڕێکبکەون کە پێشنیازییان کردووە.

چیرۆکی سەرەکی: دانوستانەکانی ئاگربەست لە نێوان ئۆکراینا و ڕووسیا بە سەرپەشتی ئەمریکا لە سعوودیە دەستیپێکردووە و ئۆکراینا پێشنیاری هەیە و لەبەرامبەریشدا ڕووسیا مەرجی هەیە بۆ ڕازیبوون بە ئاگربەستەکە.

لێدوانی فەرمی: بەرپرسێکی باڵای ئۆکراینا کە نەیویستووە ناوەکەی ئاشکرابکرێت بە ئاژانسی فرانس پرێسی ڕاگەیاندووە، ئەوان هێشتا دەیانەوێت لەسەر ئاگربەست ڕێکبکەون، لانیکەم لەسەر ئەوەی پێشنیازیان کردووە.

لە گفتوگۆکانی ڕۆژی دووشەممە لە سعوودیە، ڕوستێم ئومێرۆڤ، وەزیری بەرگری ئەو وڵاتە سەرۆکایەتی شاندی ئۆکراینا دەکات.

ئەوەی پێویستە بیزانیت: ڕۆژی سێشەممە 2025-03-18، دۆناڵد ترەمپ، سەرۆکی ئەمریکا و ڤلادیمێر پوتن، سەرۆکی ڕووسیا پەیوەندییەکی تەلەفۆنیان ئەنجامدا، و مۆسکۆ ئامادەیی خۆی بۆ پێشنیازی ئەمریکا دەربڕی بە مەرجی ئاگربەستی وزە و ژێرخان لە شەڕی ئۆکراینا، بەڵام ڕووسیا چەند مەرجێکی بۆ ئۆکراینا داناوە.

باکگراوند: لە 2025-03-11، گەڕی یەکەمی دانوستان لەنێوان بەرپرسانی ئەمریکا و ئۆکراینا لە سعوودیە بە مەبەستی ڕاگەیاندنی ئاگربەست لە نێوان ئۆکراینا و ڕووسیا بەڕێوەچوو.