پێنتاگۆن: 60 ڕۆژمان بۆ درووستكردنی "بەندەری غەززە" پێویستە

ئاڤا نیوز

دوای ئەوەی جۆ بایدن، سەرۆکی ئەمریکا فەرمانی بە درووستکردنی بەندەرێکی تایبەتدا بە یارمەتییە مرۆییەکان لە غەززە، پێنتاگۆن ڕایگەیاند تەواوکردنی ئەو بەندەرە 60 رۆژی دەوێت.

بۆچی گرنگە: زیاتر لە دوو ملیۆن هاووڵاتی غەززە لەژیر هێڵی سووری برسێتیدان، دروستکردنی ئەو بەندەرە بەشێک لەو قەیرانە چارەسەر دەکات.

لێدوانی فەرمی: پات ڕایدەر، سکرتێری ڕۆژنامەوانی پێنتاگۆن ڕایگەیاند: ئەم ئەرکە لە ژێر فەرماندەیی گواستنەوەی ئەمریکا دەبێت و لەلایەن لیوای گواستنەوەی حەوتەمەوە لە بنکەی هاوبەشی لانگلی-یوستیس لە ویلایەتی ڤێرجینیا و هێزەکانی دیکەوە بەڕێوەدەچێت. درووستکردنی بەندەرەکە 60 رۆژی پێویستە.

ئەوەی پێویستە بیزانیت: دروستکردنی ئەو بەندەرە لەلایەن سوپای ئەمریکاوە دەبێت، بەڵام هیچ سەربازێکی ئەمریکی لەسەر خاکی غەززە نامێنێتەوە.

زانیاریی زیاتر: لەو بەندرەوە ڕۆژانە دوو هەزار ژەمە خۆراک بەسەر خەڵکی غەززە دابەش دەکرێت.