ئەنجوومەنی ڕاژە ڕەزامەندنی لەسەر دامەزراندنی 1880 پلەی وەزیفی دەدات

ئاڤا نیوز

ئەنجوومەنی ڕاژەی فیدراڵی ڕەزامەندی لەسەر دانانی دامەزراندنی زیاتر لە 1880 پلەی وەزیفی لە چەند دامەزراوەیەکی حکومەت دەدا.

 

ڕاگەیێنراوی فەرمی: بەگوێرەی ڕاگەیێنراوێکی ئەنجوومەنی ڕاژەی فیدراڵی، ئەنجوومەنەکە ڕەزامەندیدا لەسەر دامەزراندنی 1880 فەرمانبەر لە پلە وەزیفییەکانی مامۆستا، یاریدەدەری یاسایی، ڕێبەری پەروەردەیی، یاریدەدەری ئەندازیار لەسەر میلاکی وەزارەتی پەروەردە، ئەنجوومەنی باڵای دادوەری، وەزارەتی دارایی و شارەوانی بەغدا.

 

شێوازی جێبەجێکردن: میکانزمی دامەزراندی ئەو فەرمانبەرانە بەگوێری یاسای ژمارە 59ـی ساڵی 2017 و یاسای ژمارە 67ـی ساڵی 2017 یە کە تایبەتە بە دامەزراندن و خستنە سەرکاری یەکەمەکانی زانکۆ و پەیمانگاکان.

 

ئەوەی پێویستە بیزانیت: سێ یەکەمەکانی زانکۆ و پەیمانگەکان لە هەرێمی کوردستان بایۆمەترییان کردووە و  دوای پڕۆسەکە ناوی 10 هەزار کەسی شایستە بۆ دامەزراندن ماوەتەوە. وەزارەتی خوێندنی باڵاش نووسراوێکی بۆ دامەزراندنیان بۆ ئەنجوومەنی وەزیران کردووە بۆ ئەوەی داوا لە بە‌غدا بکرێت پارەیان بۆ دابین بکرێت.

 

ئەوەی لەبارەیەوە دەگوترێت: پێشتر لە 18ی شوبات سەعد لامی، وتەبێژی ئەنجوومەنی ڕاژەی عێراق بە ئاڤا میدیای ڕاگەیاندبوو، قۆناغی سێیەمی دامەزراندنی سێ یەکەمەکان و هەڵگرانی بڕوانامەی خوێندنی باڵا لە داهاتوو ڕادەگەیێنن کە هەشت هەزار پلەی وەزیفی لەخۆدەگرێت.

 

- لەبارەی سێ یەکەمەکانی کوردستانیش ڕایگەیاند، دەکرێت بڕیاری دامەزراندنی سێ یەکەمی زانکۆ و پەیمانگاکان و هەڵگرانی بڕوانامەی خوێندنی باڵا هەرێمی کوردستانیش بگرێتەوە، بەڵام ئەم بڕیارە پێویستی بە ڕێککەوتن و هەماهەنگی لە نێوان هەولێر و بەغدا هەیە.