دانیشتووانی غەززە 7%ـیان قوربانیی کۆمەڵکوژیی ئیسرائیلن

ئاڤا نیوز

وەزارەتی تەندروستیی کەرتی غەززە ئاشکرای کردووە، 7%ـی کۆی دانیشتوانانی کەرتەکە "قوربانیی جەنگی کۆمەڵکوژیی ئیسرائیلن لەنێوان شەهید و بریندار" لە ئەنجامی هێرشە بەردەوامەکانی ئەو وڵاتە بۆ سەر کەرتەکە.

چیرۆکی سەرەکی: بەگوێرەی وەزارەتی تەندروستیی غەززە لە مانگی 10ـی ساڵی 2023 تاوەکو ئێستا لە ئەنجامی هێرش و بۆردوومانەکانی ئیسرائیل پەنجا هەزار و 21 کەس کوژراون و 113 هەزار و 274 کەس برینداربوونە.

ڕاگەیێنراوی فەرمی: مونیر برش، بەڕێوەبەری گشتی لە وەزارەتی تەندروستیی غەززە ڕایگەیاند: 25 هەزار بریندار لەنێو کۆی برینداربووان پێویستییان بە بە "چاکسازی و چارەسەری درێژخایەن" هەیە.

ژمارەی بڕینی بەشەکانی جەستە لە نێو بریندارەکاندا گەیشتووەتە نزیکەی چوار هەزار و 700 کەس کە 850ـیان منداڵن.

زانیاریی زیاتر: نەخۆشخانەکان چیتر ناتوانن ڕووبەڕووی "لێشاوی زۆری برینداربووان ببنەوە بەهۆی نەبوونی سەرەتاییترین ئامێر و توانا پزیشکییەکان بەهۆی بەردەوامیی دەستدرێژی و گەمارۆکانی ئیسرائیلدا".

ئەوەی پێویستە بیزانیت: دوای 57 ڕۆژ لە ڕاگرتنی شەڕ، ڕۆژی 2025-03-18، ئیسرائیل دووبارە دەستی بە هێرشەکانی بۆسەر کەرتی غەززە کردەوە.