کۆمیسیۆن باڵای هەڵبژاردنەکان پڕۆسەی نوێکردنەوەی کارتی بایۆمەتری دەستپێدەکاتەوە

ئاڤا نیوز

 

کۆمسیۆنی باڵای هەڵبژاردنەکانی عێراق لەم هەفتەیەدا، دەست بە پرۆسەی نوێکردنەوەی کارتی بایۆمەتری دەنگدەران لە هەرێـمی کوردستان و عێراق دەکات و ماوەی مانگێک دەخایەنێت.

 

لێدوانی فەرمی: جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا میدیای ڕاگەیاند: ئەنجوومەنی کۆمیسیاران بڕیاریدا پرۆسەی نوێکردنەوەی تۆماری بایۆمەتری لە 25ی ئادار دەستپێبکات بۆ ماوەی مانگێک بەردەوام دەبێت.

 

-    نوێکردنەوەی تۆماری بایۆمەتری لە هەزار و 79 ناوەندی تۆمارکردن لە سەرتاسەری عێراق ئەنجامدەدرێت، پرۆسەکە بریتیە لە زیادکردنی ناوی نوێ، ڕاستکردنەوە، گۆڕانکاریکردن، لابردن، تۆمارکردنی ئاوارەکان و هێزە ئەمنییەکان.

زانیاریی زیاتر: بڕیارەی لە نێوان مانگی 10 بۆ 11ی ئەمساڵ، هەڵبژاردنی پەرلەمانی عێراق بکرێت و چاوەڕوان دەکرێت ڕکابەرییەکی تووند لە نێوان لایەن سیاسییەکان دروست بێت، بەشێک لەلایەنەکانیش دەیانەوێت چەند بڕگەیەکی یاسای هەڵبژاردن بگۆڕدرێت.