سوودانی ڕەزامەندی لەسەر ناردنی مووچەی مانگی سێ دەربڕی

ئاڤا نیوز

 

ئەمڕۆ لە کۆبوونەوەی ئەنجوومەنی وەزیرانی عێراق، سوودانی ڕەزامەندی لەسەر خەرجکردنی مووچەی مانگی سێی فەرمانبەرانی هەرێمی کوردستان دەربڕیوە، سەرچاوەیەک لە وەزارەتی دارایی و ئابووری هەرێمی کوردستان دەڵێت 'واژۆ لەسەر تەمویلکردن کراوە'.

 

وێنە گەورەکە: هەموو هەوڵێکی حکومەتی هەرێمی کوردستان ئەوەیە کە مووچەی مانگی سێ بەر لە جەژن دابەش بکرێت، هەر بۆیە ئەم مانگە زوو لیستی مووچە ئامادەکرا و بۆ بەغدا نێردرا، ئێستا چاوەڕوان دەکرێت سبەی چوارشەممە لیستی دابەشکردنی مووچەی مانگی سێ فەرمانبەران ڕابگەیەنرێت.  

 

زانیاری تایبەت: سەرچاوەیەک لە وەزارەتی دارایی عێراق، بە ئاڤا میدیای ڕاگەیاند: سوودانی لە کۆبوونەوەی ئەمڕۆی ئەنجوومەنی وەزیران، تەیف سامی وەزیری دارایی ڕاسپاردووە مووچەی مانگی سێی مووچەخۆرانی هەرێمی کوردستان بنێرێت، چاوەڕوان دەکرێت ئەمڕۆ یان سبەی پارەکە بخرێتە سەر هەژماری هەرێمی کوردستان لە لقی هەولێری بانکی ناوەندی. 

 

زانیاریی بەدەستهاتوو: سەرچاوەیەکی باڵا لە وەزارەتی دارایی و ئابووری حکومەتی هەرێمی کوردستان، بە ئاڤا میدیای ڕاگەیاند: واژۆ لەسەر تەمویلکردنی مووچەی مانگی سێی کراوە،بەهۆی تەواوبوونی دەوامی بانکی ناوەندی، ڕەنگە سبەی پارەکە بخرێتە سەر هەژماری بانکی هەرێمی کوردستان.