ملیۆنان مووچەخۆر لەلایەن حکومەتی ئەمریکاوە ناویان دەسڕێتەوە

 

ئاڤا نیوز

دوای هەوڵەکانی دۆناڵد ترەمپ، سەرۆکی ئەمریکا بۆ کەمکردنەوەی خەرجی و بەهەدەردانی سامان، ئەمریکا تا ئێستا ناوی 7 ملیۆن مووچەخۆری سڕیوەتەوە کە لە ژیان دا نەماون و مووچەکانیان وەردەگیرێت.

چیرۆکی سەرەکی: چەند هەفتەیەکە حکومەتی ئەمریکا هەڵمەتێکی بۆ سڕینەوەی ناوی ئەو کەسانە دەستپێکردووە کە مردوون، بەڵام بە ناویانەوە مووچە وەردەگیرێت.

لێدوانی فەرمی: وەزارەتی کارایی حکومەتی ئەمریکا ڕایگەیاند، چەند هەفتەیەکە پڕۆسەیەکیان بۆ پاککردنەوەی لیستی مووچەخۆرانی ئاسایشی کۆمەڵایەتی ئەمریکا دەستپێکردووە.

لەماوەی سێ هەفتەی رابردوودا، دەزگای ئاسایشی کۆمەڵایەتی ئەمریکا گەورەترین پڕۆسەی پاککردنەوەی لیستی مووچەخۆرانی ئەنجامداوە، نزیکەی ناوی 7 ملیۆن کەس کە تەمەنیان لەسەروو 120 ساڵیدا بووە و ئێستا مردوون لە لیستی مووچە لابردووە، هێشتا پێنج ملیۆن کەسی دیکەش ماون کە لە ژیاندا نەماون، بەڵام مووچەکانیان وەردەگیرێت.

زانیاریی زیاتر: لە دوای دەستبەکاربوونی ترەمپ، ئیلۆن ماسک ملیاردێری ئەمریکا وەک بەرپرسی وەزارەتی کارایی حکومەتی ئەمریکا دەستیکردووە بە کەمکردنەوەی خەرجی و بە هەدەردانی سامانی ئەمریکا.