چوار هەزار پارچە زەوی لە سنووری دهۆک بۆ دابەشکردنیان ئامادە دەکرێن

ئاڤا نیوز

 

بەڕێوەبەرایەتیی گشتیی شارەوانییەکانی دهۆک ئامادەسازی بۆ قۆناغێکی دیکەی دابەشکردنی زەوی دەکات، لەم ماوەیەدا هەزاران پارچە زەوی بەمەبەستی دابەشکردنیان بەسەر فەرمانبەران ئامادەکراون و چەند ڕێکارێکی هونەری ماون بۆ ئەوەی پرۆسەی دابەشکردنیان دەست پێبکات.

 

وێنە گەورەکە: لە قۆناغی یەکەمی پڕۆسەی دابەشکردنی زەوی بەسەر فەرمانبەران و خانەنشینان نزیکەی سێ هەزار پارچە زەوی لە سنووری پارێزگای دهۆک دابەشکران، بەهۆی هەڵکەوتەی جوگرافی ناوچەکە بەگوێرەی پێویست نەتوانراوە زەوی دابین بکرێت.

 

لێدوانی فەرمی: دیار به‌حرى، بەڕێوەبەری گشتیی شارەوانییەکانی دهۆک بە ئاڤای ڕاگەیاند، "چوار هەزار پارچە زەوی ئامادەکراون و نێردراون بۆ تاپۆی دهۆک، دوای وەرگرتنەوەی سەنەدیان پرۆسەی تیروپشک بۆ دابەشکردنیان دەست پێدەکات."

 

ئەمەش بزانە: پرۆسەی دابەشکردنی زەوی بە چەند قۆناغیک فراوان دەکرێت و نزیکەی 450 هەزار فەرمانبەر و خانەنشین لە سەرتاسەری هەرێمی کوردستان زەوی وەردەگرن.