مووچەی مانگانەی وتەبێژی حکومەتی ئێران 630 دۆلارە

ئاڤا نیوز

وتەبێژی حکومەتی ئێران ڕایدەگەیێنێت لەبەر دابەزینی بەهای تمەن لەبەرامبەر دۆلار، مووچەکەی هیچ بەهایەکی ئەوتۆی نەماوە.

لێدوانی فەرمی: فاتیمە موهاجەرانی، وتەبێژی حکومەتی ئێران، لە چاوپێکەوتنێکدا ڕایگەیاند مووچەی ئەو نزیکەی 60 ملیۆن تمەنە کە دەکاتە نزیکەی 630 دۆلار، ئەمەش لەبەر ئەوەی بەهای هەر دۆلارێک 95 هەزار تمەنی تێپەڕاندووە.

- ئەو گوتیشی ئەم گرانبوونەی دۆلار کاریگەریی لە سەر ژیانی داناوە. 

ئەمەش بزانە: ئەم لێدوانانەی موهاجەرانی لە تۆڕە کۆمەڵایەتییەکان کاردانەوەی زۆری بە دوای خۆیدا هێناوە.

ئەوەی پێویستە بیزانیت: بە هۆی سزاکانی ئەمریکاوە گوشارێکی زۆر لە سەر ئابووریی ئێران هەیە و بەهای تمەن بەردەوامە لە دابەزین و بەهای سەد دۆلار بەرامبەرە بە نۆ ملیۆن و  نیو تمەەن.