پووتین: دەسەڵاتی ڕاگوزەر بۆ ئۆکراینا چارەسەرە

 

ئاڤا نیوز

ڤۆلۆدیمێر زێلێنسکی سەرۆکی ئۆکراینا، ڤلادیمێر پووتین هاوتا ڕووسییەکەی بەوە تۆمەتبار کرد کە هەوڵی درێژکردنەوەی شەڕی ئۆکراینا دەدات بە پێشنیارکردنی "ئیدارەی ڕاگوزەری" بۆ کیێڤ بە پاڵپشتی نەتەوە یەکگرتووەکان.

چیرۆکی سەرەکی: ڕووسیا داوا دەکات پێش دەستپێکردنی دانوستانی وڵاتەکەی لەگەڵ ئۆکراینا لەبارەی ڕاگەیاندنی ئاگربەست، ڤۆلۆدیمێر زێلێنسکی سەرۆکی ئەو وڵاتە دەستلەکاربکێشێتەوە.

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، بێگومان دەتوانین لە ژێر چاودێری نەتەوە یەکگرتووەکاندا، لەگەڵ ئەمریکا و تەنانەت لەگەڵ وڵاتانی ئەوروپا و بێگومان لەگەڵ هاوبەش و دۆستەکانمان، گفتوگۆ لەسەر ئەگەری پێکهێنانی ئیدارەیەکی ڕاگوزەری لە ئۆکراینا بکەین.

هەڵبژاردنی سەرۆکایەتی لە ئۆکراینا سەرۆکێک دەهێنێتە سەر حوکم کە گەل هەڵیانبژاردووە و دواتر دەکرێت دەربارەی ئاشتی دانوستان لەگەڵ ئەو سەرۆکە بکرێت.

بۆچوونی لایەنی بەرامبەر: ڤۆلۆدیمێر زێلێنسکی ڕایگەیاند، بە پێشنیارکردنی ئیدارەی ڕاگوزەری لە ئۆکراینا، پووتین هەوڵی درێژکردنەوەی جەنگ دەدات لە وڵاتەکەی.