بەرپرسێکی باڵای ئەمریکی لەگەڵ خێزانەکەی بەشداری کۆبوونەوە گرنگەکان دەکات

ئاڤا نیوز

 

سەرچاوە میدیایەکان چەند ڕاپۆرتێکیان بڵاوکردۆتەوە و تیایدا ئاشکرا دەکرێت پیت هێگێس، وەزیری بەرگریی ئەمریکا، لەگەڵ هاوسەرەکەی بەشداری لە کۆبوونەوە هەستیارەکان دەکات.

 

زانیاریی بەدەستهاتوو: بەگوێرەی ڕۆژنامەی وۆڵ ستریت جۆرناڵ، پیت هێگێس، وەزیری بەرگریی ئەمریکا، لانیکەم دووجار جێنیفری خێزانی هێناوەتە نێو کۆبوونەوە گرنگ و هەستیارەکان لەگەڵ بەرپرسە باڵاکان.

 
ئەوەی لەبارەیەوە دەگوترێت: ''یەکێک لە کۆبوونەوەکان لەگەڵ وەزیری بەرگریی بەریتانیا بووە لە پێنتاگۆن لە 6ـی ئازاردا، گفتوگۆکانیش بریتی بوون لە ڕاگرتنی پشتووانی هەوڵگری بۆ ئۆکراینا، دووەم کۆبوونەوەی  لە بارەگای ناتۆ بوو سەبارەت بە پرسی ئۆکراینا''

 

ئەمەش بزانە: لە ڕاپۆرتەکەدا هاتوو، '' لە هەندێک لە ئامادەبووانی بیانی لە کۆبوونەوەکاندا نەیانزانیوە جێنیفر هێگێس کێیە''

 

کاریگەریی و لێکەوتەکان: ئەم ڕاپۆرتە لە کاتێکدایە، پیت هێگێس، وەزیری بەرگریی ئەمریکا بە هەڵە ڕۆژنامەنووسێکی خستۆتە نێو گرووپ چاتێکی نهێنیدا تیایدا زانیاریی تایبەت و نهێنی بۆ ڕۆژنامەنووسەکە ناردووە سەبارەت بە هێرشەکانی ئەمریکا بۆ سەر پێگەی حووسییەکان، دوابەدوای ئەو ڕووداوە، ئیدارەی ئەمریکا ڕووبەڕووی بانگەواز بووەوە بۆ دوورخستنەوەی هێگێس، بەڵام بەردەوامە لە پشتیووانیکردنی، سەرەڕای ئەوەی ترامپ لەم هەفتەیەدا ڕایگەیاند کە دەیەوێت لێکۆڵینەوە لە دزەپێکراوەکە بکاتەوە