لە ڕۆژانی جەژن جموجۆڵی گەشتیاری و بازرگانی ناوەستێت

ئاڤا نیوز

 

جموجۆڵی بازرگانی لە دەروازە سنوورییەکانی هەرێمی کوردستان لە ڕۆژانی جەژنی ڕەمەزان نەوەستاوە و بەردەوام دەبێت، هاوکات گەشتیارانیش دەتوانن لە ڕێگەی وشکانیی دەروازەکانەوە گەشت بکەن.

 

وێنە گەورەکە: هەرێمی کوردستان خاوەنی چوار دەروازەی فەرمییە لەگەڵ وڵاتانی ئێران و تورکیا، ڕۆژانە سەدان تۆن کەل و پەل لەو ڕێگەیەوە ئاڵوگۆڕ دەکرێت و سەدان گەشتیاریش لەڕێگەی ئەو دەروازانەوە گەشتی وشکانی دەکەن.

 

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەشازیی هەرێمی کوردستان بە ئاڤای گوت، "جموجۆڵی بازرگانی و گەشتیاریی لە دەروازە سنوورییەکان ناوەستێت وەک ڕۆژانی ئاسایی بەردەوام دەبێت."

 

ئەمەش بزانە: لە دەروازە سنوورییەکان جگە لە بەرھەمە خۆراكییەكان و پێداویستییەكانی پاككەرەوە، پێداویستییەكانی بیناسازی و كەلوپەلی كارەبا و كاڵاكانی دیكە هاوردەی هەرێمی کوردستان دەکرێت.