لەمیانەی نوێژی جەژندا خامنەیی پایەمێک بۆ ئەمریکا و ئیسرائیل دەنێرێت

ئاڤا نیوز

 

ئەمڕۆ دووشەممە لە ئێران و بەشێک لە وڵاتانی دیکەی جیهان یەکەم ڕۆژی جەژنی ڕەمەزانە، بەراورد بە ژمارەیەک وڵاتانی عەرەبی و جیهان کە ڕۆژی یەکشەممەیان کردە جەژن، هەر لەمیانەی بەشداریکردنی لە نوێژی جەژندا عەلی خامنەیی پەیامێکی ئاڕاستەی ئەمریکا و ئیسرائیل کرد. 

 

وێنە گەورەکە: ئەمڕۆ دووشەممە 31-3-2025، نوێژی جەژن لە وڵاتی ئێران بە ئامادەبوونی عەلی خامنەیی، ڕێبەری باڵای کۆماری ئیسلامیی ئێران و  هەزارن کەس ئەنجامدرا، دواتر وتاری جەژن لەلایەن خامنەیی پێشکەشکرا و تیشکی خستەسەر هەڕەشەکانی ئەمریکا و ئیسرائیل.

 

لێدوانی فەرمی: عەلی خامنەیی، ڕێبەری کۆماری ئیسلامیی ئێران ڕایگەیاند،'' هەر یەکە لە ئیسرائیل و ئەمریکا هەڕەشە لە ئێران دەکەن، بەڵام وەڵامێکی تووند وەردەگرن لە ئەگەری هێرشکردنە سەر ئێران''. 

 

زانیاریی زیاتر: لە 29-03-2025، نووسینگەی عەلی خامنەیی، ڕێبەری کۆماری ئیسلامیی ئێران ڕایگەیاند، بە گوێرەی پێشبینییەکان، یەکشەممە، 30-03-2025، تەواوکاریی مانگی ڕەمەزانە و دووشەممە، 31-03-2025، سەرەتای مانگی شەوال و یەکەم ڕۆژی جەژنی پیرۆزی ڕەمەزان دەبێت. 

 

ئەمەش بزانە: ئەم لێدوانەی خامنەیی لە کاتێکدایە کە ئەمریکا هەڕەشەی بەکارهێنانی هێزی سەربازی لەو وڵاتە دەکات لە ئەگەری ئەنجامندانی دانووستان، وەک ترەمپیش دەڵێت، دەمەوێت بە ڕێگای دیپلۆماسی لەگەڵ تاران مامەڵە بکەین.