تا دێت ژمارەی قوربانییانی بوومەلەرزەی میانمار بەرزدەبێتەوە

ئاڤا نیوز

 

هەفتەی ڕابردوو دوای ڕوودانی بومەلەرزەیەکی وێرانکەر لە میانمار، تا دێت ژمارەی ئەو کەسانەی بەهۆی بومەلەرزەکەوە گیانیان لەدەستداوە بەرزدەبێتەوە.

وێنەگەورەکە: ڕۆژی هەیینی 28-3-2025 ، بوومەلەرزەیەکی بەهێز ناوەڕاستی میانمار و سنووری تایلەندی هەژاند، بە گوێرەی ئاژانسی جیۆلۆجیی ئەمریکی بوومەلەرزەکە بە گوڕی 7.7 پلەی ڕێختەر بووە و لە بەشێک لە وڵاتانی دەورووبەریشیان هەستی پێکرا.

ڕاگەیێنراوی فەرمی: حکومەتی میانمار ڕایگەیاند:  ژمارەی ئەو کەسانەی بەهۆی بومەلەرزکەی  میانمار بۆ زیاتر لە هەزار و 700 کەس بەرزبووەتەوە ئەمەش دوای دەرهێنانی تەرمی زیاتر لە داروپەردووەکان.

 

زانیاریی زیاتر: ناوەندی بوومەلەرزەکەی میانمار  لە نزیک شاری مەندالای  بوو ، دەیان بینا داڕما زیانی زۆری بەشارەکە گەیاند و فڕۆکەخانەی ئەو وڵاتەش زیانی زۆری ماددی بەرکەوتووە.

 

زیانە سەرەکییەکان: تا ئێستا هەزار 700 کەس گیانیان لەدەستداوە، سێ هەزار و 400 کەسی دیکەش برینداربوون و 300 کەسی دیکەش بێسەروشوێنبوون.

 

ئەمەش بزانە: لە تایلەندی دراوسێی میانمار هەست بە بومەلەرزەکە کرا و بەهۆیەوە 18 کەس گیانیان لەدەستدا.