نرخی زێڕ بەرزبوونەوەیەكی پێوانەیی تۆماردەكات

ئاڤا نیوز

 

نرخی زێڕ ئاستێکی پێوانەیی تۆماردەکات و ئەمڕۆ نرخی یەک مسقاڵ زێڕی عەیارە 21، بۆ 650 هەزار دینار بەرزبووەتەوە.

 

وێنە گەورەکە: ماوەی چەند مانگێکە بەهۆی نادڵنیایی لە بازاڕە جیهانییەکان لەئاکامی بەردەوامی گرژی و ئاڵۆزییەکانی جیهان لەلایەک و پەیڕەوکردنی سیستمی گومرگی نوێ لەلایەن سەرۆکی ئەمریکا لەلایەکی دیکەوە، وایکردووە نرخی زێڕ بەبەردەوام بەرزبێتەوە، لە دووەم ڕۆژی جەژندا نرخی مسقاڵێک زێڕی عەیار 21 لە بازاڕەکانی کوردستان بە 650 هەزار دینار مامەڵەی پێوەدەکرێت.

 

ئەوەی پێشبینی دەکرێت: دامەزراوە داراییە نێودەوڵەتییەکان لەپێش هەمووشیانەوە دامەزراوەی بی ئێن پی باریپاس پێشبینی دەکات تێکڕای نرخی زێڕ لەگەڵ دەستپێکی چارەگی دووەمی ئەمساڵ تا وەرزی هاوین، لەسەرووی سێ هەزار دۆلارەوە بێت، هەروەها پێشینی دەکرێت تا ناوەڕاستی هاوین، نرخی مسقاڵێک زێری عەیار 21 لە بازاڕەکانی هەرێمی کوردستان بگاتە 670 هەزار دینار بۆ هەر ئۆنسەیەک.