لە ڕووداوێکی ئاگرکەوتنەوە لە هیندستان 21 کەس گیانیان لەدەست دا

ئاڤا نیوز

تەقینەوەیەک لە کارگەیەکی درووستکردنی یاریی ئاگرینە لە شاری دیسا لە ویلایەتی گوجارات، لە ڕۆژئاوای هیندستان بووە هۆی گیانلەدەستدانی لانیکەم 21 کەس و برینداربوونی چەندین کەسی دیکە.

لێدوانی فەرمی: ڕیشیکێش پاتێل، وتەبێژی حکومەتی هیندستان ڕایگەیاند، تەقینەوەکە زۆر گەورە بووە و بەهۆیەوە سەقفی کۆنکرێتیی کارگەکە ڕووخاوە.  

- پۆلیس لێکۆڵینەوەی لە ڕووداوەکە دەست پێکردووە و ئێستا ئەوە زانراوە کە کارگەکە نایاسایی بووە و مۆڵەتی کارکردنی نەبووە.

ئەوەی پێویستە بیزانیت: یاریی ئاگرینە لە هیندستان برەوێکی زۆری هەیە و لە ئاهەنگەکانی هاوسەرگیری و بۆنەی هیندۆسەکاندا زۆر بەکار دەبرێت.