ئەم دوو ڕۆژە کەشەکە فێنکی دەکات و تاوە بارانیش بەردەوام دەبێت

ئاڤا نیوز

چەند ڕۆژێکە شەپۆلێکی بارانبارین ڕووی لە شارەکانی هەرێمی کوردستان کردووە، پێشبینییەکانی کەشناسی ئەوەیە، ئەم دوو ڕۆژە باران بەردەوامی دەبێت و پلەکانی گەرما دوو بۆ سێ پلە دابەزن.

ئەوەی پێویستە بیزانیت: بەشی پێشبینی کەشناسی وەزارەتی گواستنەوە و گەیاندنی حکومەتی هەرێمی کوردستان ڕایگەیاندووە، ئەمڕۆ ئاسمان هەوری تەواو دەبێت لەگەڵ تاوە بارانی بەردەوام و بروسک، لە ئێوارەی ئەمڕۆ کەشەکە سەقامگیر دەبێت تەنیا لە دهۆک نەبێت، کاریگەری شەپۆلەکە تا درەنگانی شەو دەمێنێتەوە. ئینجا پلەکانی گەرما بۆ ئەمڕۆ دوو تا سێ پلە بەراورد بە دوێنێ دادەبەزێت.

ئەوەی پێشبینی دەکرێت: پێشبینی کەشناسی ئەوەیە سبەی ئاسمان هەوری تەواو دەبێت، بەڵام تەنیا لە ناوچە شاخاوییەکان نمە باران دەبارێت. پلەکانی گەرما دوو تا سێ پلە بەراورد بە ئەمڕۆ دادەبەزن.

پێشبینییەکان بۆ پلەکانی گەرمای سبەی بەمجۆرەن:

هەولێر: 25 پلەی سیلیزی

سلێمانی: 23پلەی سیلیزی

دهۆک: 21 پلەی سیلیزی 

کەرکووک: 27 پلەی سیلیزی 

زاخۆ: 20 پلەی سیلیزی

هەڵەبجە: 20 پلەی سیلیزی

سۆران: 21 پلەی سیلیزی

حاجی ئۆمەران: 11 پلەی سیلیزی

گەرمیان: 30 پلەی سیلیزی