دەستەی گەشتوگوزار: دەستی کاری ناوخۆیی زیاتر لە %80 پێکدێنێت

ئاڤا نیوز

 

ساڵانە لە پشووەکانی جەژنی ڕەمەزان، گەشتیارێکی زۆر سەردانی شوێنە گەشتیارییەکانی هەرێمی کوردستان دەکەن، وتەبێژی دەستەی گەشتوگوزاریش دەڵێت، زیاتر لە ٪80ـی کەرتی گەشتیاری دەستی کاری ناوخۆیین.

وێنە گەورەکە: ساڵانە هەزارەها گەشتیاران بۆ پشوودان و چێژ وەرگرتن ڕوو لە هەرێمی کوردستان دەکەن، لە کابینەی نۆیەمیش لە ماوەی 5 ساڵدا زۆرترین ڕێژەی وەبەرهێنانی لە کەرتی گەشتیاری کردووە کە %42ـی تەواوی سێکتەرەکان پێک دەهێنێت، ئەمەش وای کردووە ساڵ لە دوای ساڵ ڕێژەی هاتنی گەشتیاران بۆ هەرێمی کوردستان ڕوو لە زیادبوون بکات.

 

لێدوانی فەرمی: ئیبراهیم عەبدولمەجید، وتەبێژی دەستەی گەشتوگوزار میوانی هەواڵەکانی سەعات 12ـی ئاڤا میدیا بوو و ڕایگەیاند، سێکتەری گەشتیاری دوای بڕیارەکەی سەرۆکوەزیران مەسرور بارزانی لەسەر زیادکردنی دەستی کاری ناوخۆیی، ئێستا سێکتەرەکەمان زیاتر لە %80ـی دەستی کاری ناوخۆیی تێپەڕاندووە.

 

ئەوەی پێویستە بیزانیت: ئیبراهیم عەبدولمەجید ئەمانەشی گوت:

- تەنیا لە ساڵی 2024 بە سەرمایەی 322 ملیۆن دۆلار 28 پڕۆژەی گەورەی گەشتیاری لە هەرێمی کوردستان ئەنجام دراون.
- لە بازگەکانی هەرێمی کوردستان ئاسانکاری تەواوەتی کراوە بۆ گەشتیاران تا بێنە ناو هەرێمی کوردستان و تەواوی ڕێکارەکانی هاتنەژوورەوەیان بۆ ماوەی کەمتر لە 5 خولەک کۆتایی پێ دێت.
-  لە ماوەی کابینەی نۆیەمدا ڕێژەی گەشتیارانی نێودەوڵەتی ڕووی لە زیاد بوون کردووە، بە جۆڕێک لە %15 بۆ  %18بەرزبووەتەوە  بۆ %25.