سووریا سەبارەت بە هێرشەکانی ئیسرائیل دێتە دەنگ

ئاڤا نیوز

سووریا بە تووندترین شێواز لەشکرکێشییەکی ئیسرائیل ئیدانە دەکات بە پێشڵکردنی یاسا نێودەوڵەتییەکان ناودەبات.

چیرۆکی سەرەکی: ئێوارەی دوێنێ چوارشەممە، فڕۆکە جەنگییەکانی ئیسرائیل هێرشیان کردە سەر سووریا و فڕۆکەخانەکانی حەمما و سەبازی T4ـیان کردە ئامانج.

ڕاگەیێنراوی فەرمی: وەزارەتی دەرەوەی سووریا لە ڕاگەیێنراوێکدا ڕایگەیاند، ئەم کردەوانەی ئیسرائیل هەوڵێکی بە ئەنقەستە بۆ دروستکردنی ئاژاوە و هەوڵی تێکدانی ئاسایشی وڵاتەکەیە، هاوکات درێژکردنەوەی ئازاری گەلەکەیە، سووریا هەوڵی ئاوەدانکردنەوە دەدات دوای 14 ساڵ لە شەڕ، ئەم هێرشە دووبارەبووانە بەشێکە لە هەوڵێکی ڕوونی ئیسرائیل بۆ ئاساییکردنەوەی تووندوتیژی جارێکی دیکە لەناو وڵاتەکەدا.

زانیاریی زیاتر: سووریا داوا لە کۆمەڵگەی نێودەوڵەتی دەکات، هەڵوێست وەربگرێت و فشار بخاتە سەر ئیسرائیل بۆ ئەوەی ئەو کردەوانە ڕابگرێت و پابەندی یاسا نێودەوڵەتییەکان بێت.