بە مەبەستی زیادکردنی بەرهەمی کارەبا، چاکسازی لە کێلگەی کۆرمۆر دەکرێت

ئاڤا نیوز

وەزارەتەکانی سامانە سرووشتییەکان و کارەبا، ئامادەکاری بۆ زیادکردنی بەرهەمی کارەبای هەرێمی کوردستان پێش وەرزی هاوین دەکەن، بۆ ئەو مەبەستەش چاکسازی لە کێڵگەی ‌غازی کۆرمۆر دەکرێت.

وێنە گەورەکە: کێڵگەی غازی کۆرمۆر کە یەکێکە لە سەرچاوە سەرەکییەکانی بەرهەمهێنانی وزە لە هەرێمی کوردستان، کۆمپانیای دانەغازی ئیماراتی وەبەرهێنانی تێدا دەکات، بۆ زیادکردنی بەرهەمەکەی چەند چاکسازییەکی تێدا دەکات.

ڕاگەیێنراوی فەرمی: بەگوێرەی ڕاگەیێنراوی هاوبەشی وەزارەتەکانی سامانە سرووشتییەکان و کارەبا، پرۆسەی سازدانەوە و چاکسازی لە کێڵگەی کۆڕمۆر لەلایەن کۆمپانیای دانا غازەوە دەبێت، ئەمشەو کاتژمێر 12 دەست پێدەکات و ماوەی سێ هەفتە دەخایەنێت.

خاڵە ئەرێنییەکان: کۆرمۆر نزیکەی ڕێژەی 67%ـی کارەبای هەرێمی کوردستان دابیندەکات چاوەڕواندەکرێت لەڕێگەی ئەنجامدانی ئەم پڕۆسەیە ئاستی خزمەتگوزاری کارەبا لە وەرزی هاویندا بەشێوەیەکی بەرچاو بەرزببێتەوە.