ئیقامە ئاڵتونییەکەی ئەمریکا دوو هەفتەی دیکە ئامادە دەبێت بۆ فرۆشتن

ئاڤا نیوز

دۆناڵد ترەمپ، سەرۆکی ئەمریکا کارتی زێڕین بۆ نیشتەجێبوونی هەمیشەیی ئەمریکا لە ماوەی دوو هەفتەی داهاتوو بڵاو دەکاتەوە.

وێنە گەورەکە: دوای ئەوەی دۆناڵد ترەمپ بڕیاری دا بە دیپۆرتکردنی کۆچبەرانی نایاسایی بۆ وڵاتکەی هاوکات ڕایگەیاند کێ ئیقامەی ئەمریکای دەوێت دەتوانێت لێمان بکڕێت و ئێمە ئیقامەی ئەمریکا دەفرۆشین کە کارتێکی زێڕینە لە ژێر چەند مەرجێکدا دەتوانن سەرمایەداران و ئەوانەی توانای کڕینیان هەیە بەدەستیبهێنن.

ڕاگەیێنراوی فەرمی: دۆناڵد ترەمپ لەناو فڕۆکەی جۆری ئێر فۆرس یەک،  کارتی زێڕینی نیشتەجێبوونی هەمیشەیی نمایشکرد و ڕایگەیاند لە ماوەی دوو هەفتەی دیکەدا ئامادەی فرۆشتن دەبێت هاوکات لە وەڵامی پرسیارێکدا ڕایگەیاند خۆم یەکەم کڕیاری ئەم کارتە دەبم و ئەم کارتە زۆر سەرنجڕاکێشە.

زانیاریی زیاتر: لە بواری کۆچبەراندا ترەمپ ئەم پلانە نوێیەی پێشکەش کردووە بە ناوی "کارتی زێڕین" کە ڕێگە بە هاوڵاتیانی بیانی دەوڵەمەند دەدات بە کڕینی کارتی پێنج ملیۆن دۆلاری لە ئەمریکا نیشتەجێی هەمیشەیی و لە کۆتاییدا ڕەگەزنامەی ئەمریکا بەدەست بهێنن.

ئەمەش بزانە: کارتەکە لە شێوەی کارتی بانکیی دەچێت و وێنەی ترەمپی لەسەر کێشراوە و ڕەنگی ئاڵتوونیە.