لە سۆران هۆشداری بە هاووڵاتییان دەدرێت

ئاڤا نیوز

ژووری ئۆپەراسیۆن بۆ قەیران و کارەساتی ئیدارەی سۆران هۆشداری بە هاووڵاتییان دەدات کە بارانبارینی بەهێز بەڕێوەیە.

چیرۆکی سەرەکی: بەپێی پێشبینیەکانی کەش و هەوا، سبەی شەممە شەپۆلێکی چڕی بارانبارین ئیدارەی سۆران، سلێمانی و چەند ناوچەیەکی دیکە دەگرێتەوە، هاوکات هەورەبروسکەشی لەگەڵ دەبێت.

ڕاگەیێنراوی فەرمی: ژووری ئۆپەراسیۆن بۆ قەیران و کارەساتی ئیدارەی سۆران، ڕایگەیاندووە، ئاگاداری گشت هاونیشتمانیان لە ئیدارەی سەربەخۆی سۆران و هەر شەش قەزا دەکەینەوە، بەپێی پێشبینییەکانی بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان، سبەی شەممە شەپۆلێکی بارانبارینی بەهێز بەڕێوەیە کە هەورە بروسکەیشی لەگەڵدا دەبێت.

 

زانیاریی زیاتر: ژووری ئۆپەراسیۆن بۆ قەیران و کارەساتی ئیدارەی سۆران داوا لە هاووڵاتییان دەکات ئاگاداری خۆیان بن، بۆ ئەوەی دووربن لە هەر کارەساتێک .