چوار گەشتیار لە بۆشایی ئاسمان گەڕانەوە

 

ئاڤا نیوز

بۆ یەکەمجار چوار گەشتیار سەردانی بۆشایی ئاسمانیان کرد بۆ ئەوەی لە بەرزترین خاڵەوە جەمسەرەکانی باکوور و باشووری ببینن و دوای گەڕانەوەشیان پاشماوەی کەشتییەکەیان لە زەریای هێمن نیشتەوە.

چیرۆکی سەرەکی: چون وانگ وەبەرهێنەری دراوی دیجیتاڵی بیتکۆین کەپسولی دراگۆنی کۆمپانیای سپەیس ئێکسی ئەمریکی بۆ خۆی و سێ کەسی دیکەی بۆ گەشتێکی بۆشایی ئاسمان بەکرێ گرت.

لێدوانی فەرمی: چون وانگ ڕایگەیاند، سێ ڕۆژ لە بۆشایی ئاسمان ماونەتەوە، کاتێک گەیشتوون تووشی دۆخێکی ناخۆش بوون و تەندروستییان تێکچووە بەڵام لە ڕۆژی دووەمی گەشتەکەیان دۆخیان باشبووە.

زانیاریی زیاتر: ئەمە یەکەم گەشتی بۆشایی ئاسمانی مرۆڤ بوو کە لە سەرووی جەمسەرەکانەوە بە دەوری گۆی زەویدا بسووڕێتەوە و هەروەها یەکەم گەشتی بۆشایی ئاسمان بوو لە زەریای هێمن بۆ تیمێکی بۆشایی ئاسمان لە ماوەی 50 ساڵی ڕابردوو.

ئەمەش بزانە: دوایین کەشتیوان کە لە بۆشایی ئاسمانەوە گەڕاونەتەوە بۆ زەریای هێمن، ئەو سێ کەشتیوانەی ناسا بوون کە لە ساڵی 1975دا بۆ ئەرکی ئەپۆلۆ-سۆیوز دەستنیشانکرابوون.