زێلێنسکی: ڕووسیا ئاگربەستی ناوێت

ئاڤا نیوز

 

لە ‌هێرشێکی مووشەکی ڕووسیا بۆ سەر شاری کریڤی ریگی ئۆکراینا نزیکەی 20 کەس گیانیان لەدەستدا، زێلێنسکی سەرۆکی ئۆکراینا دەڵێت، ئەمە دەرخەری ئەوەیە کە ڕووسیا ئاشتی ناوێت.

 

چی ڕوودەدات: دەسەڵاتدارانی ئۆکراینا ڕایانگەیاند، هێرشێکی مووشەکی بالیستیکی ڕووسیا بۆ سەر شاری کریڤی ڕیگی لە ئۆکراینا ئەنجامدراوە،  بەهۆیەوە 18 کەس کوژران، هاوکات، لە ئەنجامی هێرشەکەدا 61 کەس برینداربوون لەنێویاندا 12 منداڵ هەن.

 

لێدوانی فەرمی: ڤۆلۆدێمیر زێلێنسکی، سەرۆکی ئۆکراینا ڕایگەیاند، ئەم ‌هێرشە نیشانەی ئەوەیە کە ڕووسیا نایەوێت شەڕەکە ڕابگرێت، ئاگربەست بەدیدەهات تاوەکو ئێستا بەڵام ئەوەی ڕێگری لەم ئاگربەستەدا دەکات  پووتین سەرۆکی ڕووسیایە.

 

ئەوەی پێویستە بیزانیت: بەنێوەندگیری ئەمریکا، دانووستانەکانی ئاشتی نێوان ڕووسیا و ئۆکراینا لە سعودییە بەڕێوەچوو، ئۆکراینا بە پێشنیازی ئەمریکا بۆ ئاگربەستی 30 ڕۆژە ڕازیبوو، بەڵام کرێملین ئەو پێشنیازەی ڕەتکردەوە بە مەرج ڕازیبووە، هەردوولا لەسەرە ئاگربەستی بەشەکی ڕێکەوتوون بەڵام نەچووەتە بواری جێبەجێکردنەوە.