سعودییە و ئەمریکا پەیوەندییە ئەمنییەکان تاوتوێی دەکەن

ئاڤا نیوز

 

لەدرێژەی هەوڵەکانی واشنتن و ڕیاز بۆ پەرەپێدانی پەیوەندییەکانیان، جەنەڕاڵێکی باڵای ئەمریکا سەردانی سعودییەی کرد و پرسە ئەمنییەکانی تاوتوێی کرد.

 

ڕاگەیێنراوی فەرمی: وەزارەتی بەرگریی سعودییە ڕایگەیاند، جەنەڕاڵ ئێریک کوریلا، سەرۆکی' سێنتکۆم ' بە سەردانێک گەیشتە سعودییە لەگەڵ بەپرسانی باڵای سەربازی سعودییە کۆبوویەوە، بۆ تاوتوێکردنی پەیوەندییە ئەمنییە دوولایەنەکان و ڕێگاکانی بەهێزکردنیانی پەیوەندییەکان.

 

زانیاریی زیاتر: کوریلا، سەرپەرشتی هەڵمەتی ‌هێرشەکانی ئەمریکا بۆ سەر پێگەی حووسییەکانی یەمەن دەکات.

 

ئەمەش بزانە: ماوەی مانگێکە ئەمریکا بەسەرکردایەتیی ترەمپ، ‌هێرشی گەورە و زیان بەخش بۆ سەر پێگەی حووسییەکان لە یەمەن ئەنجام دەدات، بەگوێرەی هەندێک لە سەرچاوەکان دەگوترێت،'' له‌ ماوه‌ی 19 ڕۆژی ڕابردوودا ئەمریکا زیاتر له‌ 300 هێرشی ئاسمانی كردووه‌ته‌ سه‌ر پێگه‌ و بنكه‌ سه‌ربازییه‌كانی حووسییه‌كان.''

 

بۆچی گرنگە: لە دوای دەستبەکاربوونی دۆناڵد ترەمپ، وەک سەرۆکی ئەمریکا یەکەم گەشتی دەرەوەی وڵات بۆ سعودییە دەکات ئەمەش گرنگی پێگەی ئەو وڵاتە لەلایەن ئەمریکاوە نیشان دەدات هاوکات دوای ئەوە سەردانی هەندێک وڵاتی دیکەی عەرەبی دەکات.