بۆ هەر هەزار مووچەخۆرێک ئامێرێکی ئەی تی ئێم دادەنرێت

ئاڤا نیوز

 

بەپێی ژمارەی مووچەخۆرانی هەرێمی کوردستان کە زیاترن لە ملیۆنێک و 114 هەزار مووچەخۆر، ئامێرەکانی ئەی تی ئێم لە ناوچە جیاوازەکاندا دادەنرێن.

 

بڵاوکراوەی فەرمی: بەگوێرەی داتاکانی تیمی هەژماری من، بۆ هەر هەزار فەرمانبەرێک ئامێرێکی ئەی تی ئێم دادەنرێت، واتە بۆ هەر هەزار فەرمانبەریک کە بەشداری لە بانکە بەشداربووەکانی هەژماری من دەکەن، ئەی تی ئیمێکی ئەو بانکە دەخرێتە خزمەتی مووچەخۆرانەوە.

 

ئەوەی پێویستە بیزانیت: تاوەکو ئێستا زیاتر لە 550 ئامێری ئەی تی ئێم لە ناوچە جیاوازەکانی هەرێمی کوردسان دانراون، هاوکات زیاتر لە 440 ئەی تی ئێمی دیکە بەپێی بەشداریکردنی فەرمانبەران لە بانکەکان دەگەیێنرێتە ناوچە جیاوازەکان.

 

لەلایەکی دیکە: تاوەکو ئێستا زیاتر لە 732 هەزار فەرمانبەر لە هەژماری من تۆمار کراون و 405 هەزار کارتیش دابەشکراون، لە مووچەی مانگی سێی مووچەخۆرانیشدا زیاتر لە 313 هەزار کەس لەڕێگەی هەژماری من مووچەیان وەرگرت، بۆ مووچەی مانگی چواریش چاوەڕوان دەکرێت زیاتر لە 400 هەزار مووچەخۆر لەڕێگەی هەژمارەکەوە مووچە وەربگرن.