ژمارەیەک کۆنگرێسمان هەوڵی رزگارکردنی عێراق لە هەژموونی ئێران دەدەن

ئاڤا نیوز

ژمارەیەک کۆنگرێسمانی ئەمریکا پڕۆژەیاسایەکی تایبەتیان بۆ ڕزگارکردنی عێراق لە هەژموونی ئێران ئامادەکردووە و بەمزووانە پێشکەشی کۆنگرێسی ئەمریکای دەکەن.

وێنە گەورەکە: هەوڵەکان بۆ لێکنزیککردنەوە و دانوستاندن لە نێوان ئەمریکا و ئێران بە سەرپەرشتی عومان بەردەوامە، ئەمریکا  لە هەوڵی بەردەوام دایە بۆ نەهێشتن و هەڵوەشاندنەوەی گرووپە چەکدارەکانی نزیک لە ئێڕان، لە عێراق.

بڵاوکراوەی فەرمی: جۆی وێلسن، کۆنگرێسمانی کۆمارییەکان و کەسایەتی نزیک لە دۆناڵد ترەمپ، لەمبارەیەوە لە تۆڕی کۆمەڵایەتیی (ئێکس) نووسیویەتی، خۆشحاڵم پرۆژەیاسای ئازادکردنی عێراق لەدەست ئێران، پێشکەش بە کۆنگرێس دەکەم.

٠ پڕۆژەیاساکە ھەردوو پارتە سەرەکییەکەی ئەمریکا پشتگیریی دەکەن، و تیایدا پاڵپشتییە بۆ ھەوڵەکانی خەڵکی عێراق بۆ ئازادکردنی وڵاتەکەیان لە ئێران.

٠ دەبێت بريكارەکانی ئێران لە عێراق، بترسن، چونکە ئەم پرۆژە یاساییە درەنگ یان زوو پەسەند دەکرێت.

 

زانیاریی زیاتر: دوای 180 ڕۆژ لە پەسەندکردنی پڕۆژەیاساکە، وەزارەتی دەرەوە و گەنجینەی ئەمریکا ستراتیژیەتێک بۆ پاڵپشتیکردنی گەلی عێراق بۆ بەرەنگاربوونەوەی هەژموونی ئێران پێشکەش بە کۆنگرێس دەکەن.

بابەتە ستراتیژییەکان: پڕۆژەیاساکە داوادەکات حکومەتی ئەمریکا کاربکات بۆ هەڵوەشاندنەوەی چەند گرووپ و هێزی چەکداری نزیک لە ئێران، بە پێچەوانەوە ئەمریکا هاوکارییە ئەمنییەکانی بۆ عێراق ڕادەگرێت.

شێوازی جێبەجیکردن: دوای 90 ڕۆژ لە دەرچوونی پڕۆژەیاساکە، دەبێت وەزیری دەرەوەی ئەمریکا وەک ڕێکخراوی تیرۆریستی بیانی هەریەکێک لەمانەی خوارەوە دیاری بکات:

٠ لیواکانی ئەبو فەزل ئەلعەباس
٠ فەیلەقی بەدر
٠ بزووتنەوەی نوجەبا
٠ حەشدی شەعبی
٠ کەتائیبی ئیمام عەلی
٠ کەتائیبی جوندلئیمام
٠ کەتائیبی سەیدولشوهەدا
٠ سەرایا جیهاد
٠ سەرایا خوراسانی
٠ مقاوەمەی ئیسلامی لە عێراق
٠ هەر گرووپ و دەستەیەکی دیکە کە لەلایەن سوپای پاسدارانی ئێرانەوە بەڕێوەببردرێت.

لە لایەکی دیکەوە: دوای 180 ڕۆژ لە دەرچوونی، دەبێت وەزارەتی گەنجینە ناوی هەریەکە لە بریکارەکانی ئێران لە عێراق بکاتە لیستی سزاکانی کە بریتین لە:

٠ نوری مالیکی سەرۆکوەزیرانی پێشووی عێراق
٠ بانکی ڕافیدەین
٠ هادی عامری، فەرماندەی فەیلەقی بەدر
٠ قاسم ئەعرەجی، ڕاوێژکاریی ئاسایشی نیشتمانی عێراق
٠ دەستەی گشتی بەبازاڕکردنی نەوتی عێراق
٠ چەندین بەرپرس و بانکی دیکەی عێراق