گیانلەدەستدان بەهۆی بوومەلەرزەکەی میانمار بۆ سێ هەزار و 471 کەس بەرزدەبێتەوە

ئاڤا نیوز 

 

تا دێت ژمارەی قوربانیانی بوومەلەرزە وێرانکەرەکەی میانمار بەرزتر دەبێتەوە و ژمارەی ئەوانەی گیانیان لەدەستداوە سێ هەزار و 471 کەسی تێپەڕاند.

وێنە گەورەکە:  ڕۆژی هەیینی 2025-03-28، بوومەلەرزەیەکی بەهێز ناوەڕاستی میانمار هەژاند، بە گوێرەی ئاژانسی جیۆلۆجیی ئەمریکی بوومەلەرزەکە بە گوڕی 7.7 پلەی ڕێختەر بووە و لە پێنج  وڵاتی دەورووبەریش هەستی پێکرا و زیانی بۆیان هەبوو.

 

ڕاگەیێنراوی فەرمی:  بەرپرسانی فریاگوزاری  میانمار ڕایانگەیاند: ژمارەی ئەو کەسانەی بەهۆی بومەلەرزە بەهێزەی میانمار گیانیان لەدەستداوە بۆ سێ هەزار و 471 کەس بەرزبووەوە و چوار  هەزار و 671 کەسیش برینداربوون و 214 کەسی دیکەش بێسەروشوێن بوون.

 

ئەمەش بزانە: بارانێکی بەخوور بەشێک لە میانماری گرتووەتەوە و  ڕێکخراوە فریاگوزاریەکان هۆشداریان دا کە  هەوڵەکانی فریاگوزاری ئاڵۆزتر دەکات و کارەکانیان قورستر دەبن.

 

لە لایەکی دیکەوە: ڕێکخراوە فریاگوزارییەکان هۆشداری دەدەن لەوەی ژمارەی ڕاستەقینەی بێسەروشوێنەکان زۆر زیاتر بێت لە ئامارە فەرمییەکان و داوایان لە ڕێخراوەکان کرد خێمەی زیاتر بۆ لێقەوماوان دابین بکەن.