هەفتەی داهاتوو شەرع سەردانی تورکیا و ئیمارات دەکات

ئاڤا نیوز

 

لە درێژەی هەوڵەکانی سووریا بۆ بەهێزکردنی پەیوەندییەکان و وەرگرتنی پیشتووانی نێودەوڵەتی، بڕیارە هەفتەی داهاتوو سەرۆککۆماری نوێی سووریا بۆ قۆناغی ڕاگوزەر سەردانی هەر یەکە لە تورکیا و ئیمارات بکات.

زانیاریی بەدەستهاتوو: ئاژانسی ڕۆیتەرز لەسەر زاری وەزارەتی دەرەوەی سووریا ڕایگەیاند، '' هەفتەی داهاتوو ئەحمەد شەرع، سەرۆککۆماری نوێی سووریا بۆ قۆناغی ڕاگوزەر سەردانی تورکیا و ئیمارات دەکات''. 

 

بۆچی گرنگە: ئەم سەردانەی شەرع لە کاتێکدایە، دەسەڵاتدارانی ئێستای سووریا پەیوەندییەکی پتەویان لەگەل تورکیا هەیە، بەتایبەت دوای ڕێککەوتنی هەردوولا بۆ دامەزراندنی بنکەی سەربازی لە سووریا.

 

ئەوەی لەبارەیەوە دەگوترێت: ئامانج لە سەردانەکە، هەوڵدانە بۆ هەڵگرتنی تەواوی سزا سەپێندراوەکانی سەر وڵاتەکە کە بەسەر ڕژێمی پێشوودا سەپێنرابوون.

 

ئەمەش بزانە: ئەم سەردانەی شەرع دەبێتە دووەم سەردانی بۆ تورکیا، سەردانی یەکەمیشی لە مانگی شوباتی ئەمساڵ بوو، هاوکات یەکەم سەردانیشی دەبێت بۆ ئیمارات .