فایلی خەڵک؛ فەرمانبەرانی گرێبەست لە خوێندنی باڵا مووچەی سێ مانگیان وەرنەگرتووە

 

ئاڤا نیوز

بەشێک لە فەرمانبەران و مامۆستایانی گرێبەستی سەربە وەزارەتی خوێندنی باڵا و توێژینەوەی زانستی تاوەکو ئێستا مووچەی مانگەکانی دوو و سێیان وەرنەگرتووە، نیگەرانن و ترسی ئەوەیان هەیە مووچەکانیان بفەوتێت، داوایان لە ئاڤا کرد بەدواداچوون بۆ کێشەکەیان بکات.

وێنە گەورەکە: لە مانگی حەوتی ساڵی ڕابردوو، زیاتر لە 4 هەزار کەس بە شێوەی گرێبەست لەسەر میلاکی وەزارەتی خوێندنی باڵا دامەزران، لە ئەمساڵدا بە بیانووی نوێکردنەوەی گرێبەستەکانیان تاوەکو ئێستا هیچ مووچەیەکیان وەرنەگرتووە.

لێدوانی فەرمی: د. توانا نەجەف، سەرۆکی دیوان و بەڕێوەبەری گشتیی لە وەزارەتی خوێندنی باڵا بە ئاڤا میدیای ڕایگەیاند: بەشێک لە گرێبەستەکان بە بیانووی دواکەوتنی نوێکردنەوەی گرێبەستەکانیان لەلایەن وەزارەتی دارایی و ئابوورییەوە مووچەی مانگی یەکیان وەرنەگرتووە.

زانیاری زیاتر: د. توانا نەجەف وتیشی: سەرجەم گرێبەستەکان دڵنیا دەکەینەوە، کە مووچەکانیان نافەوتێت و لە هەوڵداین لە زووترین کاتدا دابەش بکرێت.