ئیسرائیل لە غەززە ڕۆژنامەنووس و پزیشک دەکاتە ئامانج

ئاڤا نیوز

سوپای ئیسرائیل لە بۆردومانکردنی کەرتی غەززە بەردەوامە و لە بەئامانجگرتنی شوێنە گشتییەکانیش دەست ناپارێزێت.

چیرۆکی سەرەکی: ڕۆژی دووشەممە، 2025-04-07، ئیسرائیل خێوەتێکی ڕۆژنامەنووسانی لە شاری خان یوونس لە باشووری غەززە بۆردومان کرد و بە هۆیەوە لانیکەم ڕۆژنامەنووسێک بە ناوی 'یوسف فەقعاوی' کوژرا و 9 کەسی دیکەش بریندار بوون کە شەش کەسیان ڕۆژنامەنووس بوون.

زانیاریی زیاتر: ئیسرائیل هەروەها لە بۆردومانکردنی خێوەتی ئاوارە فەڵەستینییەکان بەردەوامە و لە هێرشەکانی ڕۆژی دووشەممەدا، لانیکەم 15 فەڵەستینی لە ناوچە جیاجیاکانی غەززە کوشتووە.

بڵاوکراوەی فەرمی: کۆمەڵەی مانگی سووری فەڵەستینی ڕایگەیاند، لە ماوەی مانگی ڕابردوودا سوپای ئیسرائیل 15 پزیشک و فریاگوزاری لە باکووری غەززە کوشتووە. ڕێکخراوەکە دەڵێت ئیسرائیل "بە مەبەستی کوشتن" تەقەی لەو تیمانە کردووە و فیشەک بەر بەشی سەرەوەی جەستەیان کەوتووە.