ترەمپ: دەمەوێت شەڕی غەززە کۆتایی پێبێنم

ئاڤا نیوز 

 

لە دیداری نێوان هەر یەکە لە سەرۆکی ئەمریکا و سەرۆکوەزیرانی ئیسرائیل، ترەمپ پیشتووانی خۆی بۆ ڕاگرتنی شەڕی غەززە دووپاتدەکاتەوە.

 

وێنە گەورەکە: ڕۆژی دووشەممە 2025-04-07، دۆناڵد ترەمپ، سەرۆکی ئەمریکا، لە کۆشکی سپی پێشوازی لە بنیامین نەتانیاهۆ، سەرۆکوەزیرانی ئیسرائیل کرد پرسە گرنگەکانی وەک ڕێککەوتنی بارمتەکان و ڕاگرتنی شەڕی غەززە، پرسی تورکیا و ئێران چەند پرسێکی دیکەی گرنگ تاوتوێ کران.

 
لێدوانی فەرمی: دۆناڵد ترەمپ سەرۆکی ئەمریکا ڕایگەیاند، دەمەوێت شەڕی غەززە کۆتایی پێبهێنم، ئەم شەڕەش لە ئایندەیەکی نزیکدا کۆتایی دێت.

- هاوکات ترەمپ پێشنیازی ئەمریکای بۆ غەززە دووپاتیکردەوە، دەڵێت، هەبوونی هێزێکی وەک ئەمریکا لەو ناوچەیە، کۆنتڕۆڵکردن و خاوەندارێتیکردنی کەرتی غەززە، کارێکی باش دەبێت".

 

بۆچوونی لایەنی بەرامبەر: لە بەرامبەردا سەرۆکوەزیرانی ئیسرائیل ڕایگەیاند، وڵاتەکەی کاردەکات بۆ گەیشتن بە "رێککەوتنێکی" نوێ سەبارەت بە ئازادکردنی ئەو بارمتانەی کە لەلایەن حەماسەوە لە غەززە دەستبەسەرکراون، ڕوونیشی کردەوە: لە ئێستادا سەرقاڵی ڕێککەوتنێکی دیکەین کە هیوادارین سەرکەوتوو بێت، پابەندیشین بە ئازادکردنی هەموو بارمتەکان.